so true!...

There are moments and there are times

Thinking of you, there are always smiles...

Hand in hand as we walk

not through words but its the heart that talks...

It seems like ages, I've been waiting for you

to find a perfect love that is so true!

There are feelings and there are thoughts

to be in your arms through dusk and dawn...

To lie with you under the moon and the star

so  much into each other, like strings of a guitar!   

Meri duaon ka asar..!

Bahaar ayi jab nayepan ki

toh sang layi ye paigaam,

sawarne vali hai ab meri

har subah har shaam...

Bekhabar thi, befikar thi,

ya thi jese anjaan

Na jaane kab mil gayi

mere ek sapne ko pehchaan...

Barkha ki pehli pavas ne

jab is mann ki pyas bhujayi,

laga jese mere liye

ek naya janam layi...

Khwahisho ki us baarish se

jab ye mann bheega saara,

chuu ke guzri purva ne

diya tab ye ishaara...

Badalti karvaton ne

simatti salvaton se

jab ye raaz khole...

Thamti saason ne 

badhti dhadkano se

tab ye lafz bole...

Kal tak tha jo bas ek khwab

aaj vo haqeeqat ban gaya hai...

Meri duaon ka asar

ab kaam kar gaya hai!

Zindagi ke is safar ka 

manzar badal gaya hai...

Meri duaon ka asar  

ab kaam kar gaya hai!

Apni masoom nazron se koi

shararat kar gaya hai...

Meri duaon ka asar 

ab kaam kar gaya hai!

Kesa nasha hai!

Paaw se sar tak, sansanahat hai...
Kaun si rut hai, jiski aahat hai...
Jaane boondo me kesa...
kesa nasha hai!

Rooh se dil tak, gungunahat hai...
Kaun si rut hai, jiski aahat hai...
Jaane boondo me kesa...
kesa nasha hai!

Dhun ye hai kesi
Gaa rahi rimjhim..
Boondo me jese
Gunji hui sargam...
Behke se hum
Mehka sama
Hua aaj phir..... mausam jawan

Hothon pe harpal, muskurahat hai
Kaun si rut hai, jiski aahat hai..
Jaane boondo me kesa... kesa nasha hai!

ibaadat

                                        khwabon ke anchal me soyi thi ek pari

                                         thi jese koman nadaan anchuyi ek kali..

                                       palkon ke sirhane se di ek khwab ne dastak

                                       le jane aya tha koi usey is zameen se falak tak

                                      sharmili si sakuchayi si chaldi vo us safar par

                                      pata nahi tha kaha tak lejayegi usey vo dagar..

                                     hatho me hath liye sang jiske chal rahi thi vo

                                     ummeed thi uski, vishvas tha uska, pyar tha uska vo..

                                     anjane se ajnabi ke sath badh rahi thi manzil ki ore

                                     abhi toh shuru huye hi the uski chahaat ke daur.. 

 

                                     khubsurat sa ek chehra bas chuka tha uski ankhon me!

                                     subah thi uski, shaam thi uski, ab vahi tha uski raaton me!

                                     soch rahi thi kaash tham jaye ye lamha yahin

                                     umrabhar isi tarah saath chale vo ab yuhin

                                     

                                     chura ke palkon ki nami di jisne labon pe hansi

                                     ek vahi hai bas uske liye tha usey pura yakin..

                                     phir ek din kahin kisi mod pe..

                                     ojhal hogaya vo duur uski nazron se!

                                     doob gaya tha suraj uska

                                     chup gaya chand badalon me kahin!

                                     tham gayi thi saasein uski, ruk gayi thi dhadkanein

                                     har jagah yun bebas hokar dhundti rahi nazrein...

                                    samajh na aya huya kun esa...

                                    niyati ne khel ye khela kesa!!

                                    noor banke beh rahi ankhon ki nami in palkon se

                                    sisakte huye sapno ka dard vo zubaan se kese kahe...

                                    pyar ka dard usne kyun saza me paya...

                                    jana hi tha jo ek din usey,toh koi zindagi me hi kyun aya!

                                    khatam ho gayi thi uski vo khubsurat daastan

                                    phir bhi dhund rahi hai vo apne sapno ki pehchan...

  

                                    aaj bhi tanhai me hai beetey kal ki chaaatein

                                    aaj bhi dastak deke jaati hai kal ki aahatein..

                        

                                   khamoshi se is dard ko peene ki ab usko aadat hai

                                   thi jo mohobbat khwaab uska, vahi ab uski ibaadat hai!

Jee chahta hai

uski wo baatein rijhati hai mann ko

un baaton main kho jane ko jee chahta hai...

kho jaun main usi ke aghosh mei 

is kadar chahat mei doob jane ko jee chahta hai!

hai kesi kashish in guzarti hawaon mei

tham jaye ye lamha ke jee lu isey mai,

Aaj koi rokey na mujhe tokey na mujhe

khud ko bhool ke uski baahon mei

yeh pal bitane ko jee chahta hai...

hai ye ek khubsurat haqiqat? 

kahin koi sapna toh nahi

raat hai shabnami

or ye mann mere bass mei nahi

tan-mqan pighlati hai ye saawan ki boonde

chahat ki is baarish mei bheeg jane ko jee chahta hai

is kadar chahat mei doob jane ko jee chahta hai!!

Bas Tum Ho!

Patjhad mein bahaar agar laa saka hai koi

toh woh bas tum ho

toh woh bas tum ho

anjaani manzil ki veerani raahon mein

agar hamsafar hai is dil ka koi

toh woh bas tum ho

toh woh bas tum ho

ek tumhi toh ho jisne,

banke kiran roshan kiya meri raahon ko

chaahat ki khushbu se mehkaya meri sanson ko

tumhara saath jo hai hamesha, toh

muskura denge yeh lab, bhale hi

is zindagi mein kitne  gham ho

zindagi ko jeene ka sahara de saka hai koi

toh woh bas tum ho

toh woh bas tum ho

khwabon ke samundar ko kinara de saka hai koi

toh woh bas tum ho

toh woh bas tum ho!!!

ankaheen baatein

kuch ankaheen si baatein

chubhti hai is dil ko

ye aankhein paati hai

bheed me bhi suunepan ko..

ek-ek pal ginti hai nigaahaein

sametey hue harr yaad ko

intejaar me rehti hai hardam

kab koi sapna sakaar ho..

aur hai bhi toh kya?

sirff ummeed! jispe tiki hai khwaabon ki neev

tayyar hai vo toh sab kuch lutaney ko

kya huq hai usey ki

vo chheeney apno ki khushiyaan

jin tak simti hai uski hi apni duniya

sukhi huyi aankhein hai

baaki nahi hai ab kuch

kya jaan payega ye jahaan

uski is tadpan ko?